top of page
Bo sosio den komunikashon skirbí i edukashon di grandi i chikí.
Ki-na-ni
/ki'na ni/
Sinónimo: Tokayo
Sustantivo: Usá pa hende muhé ku mes nòmber.
Ehèmpel: Mi kolega yama Sandra meskos ku mi. Nos ta otro su kinani.
Bon Biní
Bon Biní serka nos na Kinani Language Enrichment.
Nos sa ku komunikashon ta un nesesidat básiko, meskos ku awa i kuminda. P’esei Kinani Language Enrichment t’ei pa yuda den e nesesidat akí. Nos ta Kinani di otro pasobra nos ta kompartí e nesesidat akí, i nos lo traha huntu pa reforsá loke nos tin, desaroyá loke tin mester.
Dikon siña un idioma?
Mishon
Kinani Language Enrichment ta pone su mes komo un brùg pa yuda persona i organisashon alkansá nan metanan na un manera plasentero. Sea ta pa fortalesé loke ya ta dominá òf desaroyá loke tin mester, ku nos produkto- i servisionan nos ta fasilitá mihó komunikashon, mas konekshon i konosementu, i aportá asina na desaroyo personal i profeshonal.
Vishon
Kinani Language Enrichment ta mira idioma komo un instrumento pa konektá hende, fasilitá integrashon i stimulá desaroyo. For di nos realidat multilingual i kultural, nos ta kontribuí na un komunidat kaminda idioma ta kreá konekshon. Huntu ku esaki, nos ta aportá na posishon i uso di papiamentu, komo un idioma krioyo tantu den mundu komo serka e papiadónan.
Nos dosentenan
Kinani Language Enrichment ta konta ku un tim di dosente ku ta karakterisá pa ta personanan dediká i pashoná tantu den loke nan ta hasi komo ku den e aspekto di desaroyo kontinuo di e ser humano. Nan amor pa kompartí nan konosementu, disfrutá di loke nan ta hasi i yuda e ser humano sigui desaroyá ta algun di e karakterístikanan úniko ku ta resaltá di e tim di profeshonal di Kinani.
Nos tim di tradukshon
Tradukshon ta eksigí konosementu di idioma pero tambe eksaktitut den trabou, i esaki ta loke ta karakterisá Kinani Language Enrichment su tim di traduktor. Meskos ku e dosentenan, e tim di traduktor ta dominá diferente idioma, loke ta hasi posibel pa por brinda e servisio di tradukshon pa e idiomanan ingles, hulandes, spañó i papiamentu. Nos no tin un traduktor huramentá den tim, pero semper sa di rekomendá un òtro kolega den e área ku si ta hasi esaki.
Nos kursistanan:
Den kolaborashon ku:
Arte di palabra
Moon 25 Pictures
Art by Sha
Nos dushi momentonan
Kada momento pa nos ta unu di selebrá: logro di nos kursitanan, kada aña di eksistensia di Kinani, un kliente nobo òf un kara konosí ku a bolbe serka nos. E momentonan akí ta forma parti di nos historia i ta motivá nos pa sigui desaroyá, perfekshoná i inová.
Di kurason danki, pasobra ta huntu nos ta Kinani Language Enrichment.
1/5
bottom of page